O mercado das enerxías renovábeis en Galicia e Portugal: unha oportunidade para o desenvolvemento rexional

Nos últimos anos asistimos a unha clara aposta dende os distintos ámbitos administrativos polas enerxías renovábeis, impulsando medidas que tentan relaxar as continuas tensións que provoca o actual modelo enerxético. No ámbito da UE, isto ten o seu reflexo nas distintas directivas de ámbito europeo que tratan de apoiar o desenvolvemento destas enerxías. Sen embargo, no que respecta a enerxía eólica, o desenvolvemento da mesma nas distintas rexións ten sido desigual en rexións aparentemente homoxéneas, aló menos no que se refire ao potencial eólico. Así mesmo, o impacto socio-económico da creación dos parques eólicos tamén se mostra dispar entre as distintas rexións. Neste traballo mostramos cómo as diferencias observadas, tanto en implantación de parques eólicos como na posterior repercusión no desenvolvemento económico da zona afectada, poden obedecer en gran medida as distintas formas en que se ten concretado as políticas que tratan de potenciar a xeración desta enerxía eólica.